Mirëmëngjesi i Benet Becit me rikthimin në identitet të Xhamisë së Plumbit ka përmbledhur dy mesazhe të rëndësishme: krenarinë për trashëgiminë kulturore dhe urimet e ngrohta për një festë të shenjtë fetare.
Xhamia e Plumbit, një nga monumentet më të rëndësishme të Shkodrës dhe një perlë e trashëgimisë kulturore të Shqipërisë e Ballkanit, është rikthyer në identitetin e saj historik pas punimeve të kujdesshme restauruese. Pamjet e saj qëndrojnë si një dëshmi e artit, kulturës dhe besimit të ndërthurur ndër shekuj.
Në mesazhin e tij, kryebashkiaku i Shkodrës, Benet Beci, shprehu entuziazmin për këtë moment historik, duke e cilësuar Xhaminë e Plumbit si një thesar kombëtar dhe rajonal. Ai e shoqëroi këtë moment krenarie me një urim të veçantë për besimtarët myslimanë në Natën e Madhe të Israsë dhe Miraxhit, një natë që simbolizon lidhjen e fortë shpirtërore dhe besimin e pastër.
Kjo ndërthurje e vlerave kulturore dhe shpirtërore përfaqëson një shembull frymëzues të bashkimit të së shkuarës me të tashmen, duke i dhënë Shkodrës dhe gjithë Shqipërisë një arsye më shumë për të festuar trashëgiminë dhe besimin e saj të pasur.
AV