Pas zhgënjimit të transfertës në Riad për Superkupën, Massimiliano Allegri e gjen veten papritur me një skuadër pothuajse të plotë për ndeshjen e radhës në kampionat kundër Veronës. Mungesa e sigurt mbetet ajo e Santi Gimenez, i cili do të qëndrojë jashtë për një kohë të gjatë pas ndërhyrjes në kyçin e këmbës. Vëmendja në Milanello është përqendruar te Mattia Gabbia: gjendja e mbrojtësit do të vlerësohet mes sot dhe nesër dhe aktivizimi i tij mbetet në dyshim.
Stafi mjekësor nuk ka ndërmend të rrezikojë një rikthim të parakohshëm, duke pasur parasysh traumën në hiper-ekstension të gjurit të majtë të pësuar ndaj Sassuolos. Në rast mungese, një tjetër shans do t’i jepet Koni De Ëinter, i cili megjithatë ka shfaqur vështirësi të dukshme në rolin e qendërmbrojtësit në përballjet e fundit.
Lajmet pozitive vijnë nga reparti ofensiv. Përkrah Pulisic do të rikthehet titullar Rafa Leao, me Nkunku gati në stol. Portugezi, i munguar ndaj Torinos, ka lënë pas dëmtimin dhe është gati për të sfiduar Veronën, një kundërshtar ndaj të cilit ka statistika shumë pozitive: 3 gola dhe 4 asistime.
Në mesfushë, bashkë me Modric dhe Rabiot, do të startojë Fofana, elementi i ekuilibrit në fazën mbrojtëse, në një repart ku Alexis Saelemaekers mbetet i pazëvendësueshëm për Allegrin. Risia e vërtetë, krahasuar me javët e fundit, është “bollëku” në stol: përveç Nkunku, gati për të hyrë në lojë janë edhe Estupiñan (me Bartesaghin titullar), Loftus-Cheek, Jashari dhe Ricci, të gjithë lojtarë që mund të ndryshojnë rrjedhën e ndeshjes.
Sfida me Veronën pritet të jetë e fundit me emergjencë në sulm. Nga 2 janari, për transfertën ndaj Cagliarit, Allegri do të ketë në dispozicion edhe Niclas Füllkrug, edhe pse forma fizike e sulmuesit gjerman do të vlerësohet vetëm në ditët në vijim.