
Nicolo Zaniolo do të mungojë në Kampionatin Europian të ardhshëm të futbollit për shkak të lëndimit të pësuar gjatë ndeshjes së fundit në kampionat mes Aston Villa dhe Liverpoolit.
Ish-lojtari i Romës, që luan në Premier League me Aston Villa, si i huazuar nga Galatasaray, ka pësuar një mikrofrakturë në këmbë. Një dëmtim që do ta lërë 24-vjeçarin jashtë fushës për të paktën një muaj.
Një goditje e rëndë kjo për kombëtaren “axurre”, që luan në Europian si kampionë në fuqi. Italia është një nga rivalët e Shqipërisë në Euro 2024, bashkë me Kroacinë dhe Spanjën.