Kampionati i Kategorisë së Parë vjen këtë fundjavë me ndeshjet e javës së 22-të. Tre takimet e para zhvillohen të shtunën në orën 13:30, ndërsa më pas Skënderbeu do të presë Apoloninë në shtëpi, me ndeshjen e programuar për orën 16:30.
Korçarët synojnë fitoren pas barazimit në përballjen e fundit me Korabin. Çdo pikë është thelbësore në këtë moment, pasi Laçi, i vendit të dytë, ka ngushtuar diferencën në vetëm tre pikë nga kryesuesit. Bardhezinjtë e Laçit do të presin Besën në shtëpi, teksa po kalojnë një moment të shkëlqyer me shtatë fitore radhazi.
Në të njëjtën ditë, AF Luftëtari përballet me Kastriotin, ndërsa Kukësi pret Korabin në shtëpi.
Të dielën do të zhvillohen dy ndeshjet e fundit të javës së 22-të, në orën 13:30. Iliria luan ndaj Lushnjes në stadiumin “Redi Maloku”, ndërsa Pogradeci, i vendit të tretë, pret Burrelin në shtëpi, me synimin për t’’u rikthyer te fitorja pas barazimit në javën e fundit me Apoloninë.
Kategoria e Parë, java 22:
KF Laçi – Besa, 14.02.2026, 13:30
AF Luftëtari – Kastrioti, 14.02.2026, 13:30
Kukësi – Korabi, 14.02.2026, 13:30
Skënderbeu – Apolonia, 14.02.2026, 16:30
Pogradeci – Burreli, 15.02.2026, 13:30
Iliria – Lushnja, 15.02.2026, 13:30