Te FC Austin po pritet një periudhë ndryshimesh të rëndësishme, që mund të ndikojë edhe te e ardhmja e sulmuesit shqiptar Myrto Uzuni. Klubi amerikan ka vendosur të shkarkojë trajnerin Niko Estevez dhe drejtorin sportiv Rodolfo Borrell, pas rezultateve të dobëta të skuadrës që nuk kanë përmbushur pritshmëritë e drejtuesve. Kjo lëvizje ka hapur një fazë të re pasigurie në ambientin e ekipit.
Për ndeshjen e radhës në FC Austin ndaj St. Louis City, skuadra do të drejtohet përkohësisht nga ish-trajneri Josh Wolff, i rikthyer për një detyrë emergjente deri në gjetjen e një zgjidhjeje afatgjatë.
Kampionati në Major League Soccer pritet të ndërpritet për rreth 60 ditë për shkak të Kupës së Botës, duke i dhënë klubit kohë për të riorganizuar strukturën drejtuese dhe për të emëruar trajnerin e ri. Myrto Uzuni duhet të rishikojë pozicionin e tij në skuadër, pasi ndryshimet në staf shpesh sjellin edhe riformatim të planeve sportive dhe rolit të lojtarëve brenda ekipit, përfshirë edhe të Myrto Uzuni.
