Arresti ndaj Saimir Tahirit, reagon Ambasada e SHBA

Ambasada e Shteteve të Bashkuara të Amerikës ka reaguar sot për vendimin e gjykatës që caktoi masën “arrest shtëpie” për Saimir Tahirin.

Deklarata e plotë e Ambasadës së SHBA:

Ambasada e Shteteve të Bashkuara mirëpret përparimin e bërë nga Shqipëria në luftën e saj kundër krimit të organizuar dhe korrupsionit.

Vendimi i gjykatës për të vendosur Saimir Tahirin në arrest shtëpie është një shenjë se kjo çështje e rëndësishme korrupsioni do të vendoset në mënyrë të drejtë dhe transparente në gjykata. Arrestimi i Met Kananit në Turqi dhe 14 anëtarëve të bandës së tij kriminale në Shqipëri është shenjë e seriozitetit të policisë dhe prokurorëve për të vënë në shënjestër krimin e organizuar. Së fundi, arrestimi i trafikantit të dyshuar të kokainës Arbër Çekaj në Gjermani dhe kërkesa për ekstradimin e tij në Shqipëri është shenjë se pandëshkueshmëria ka marrë fund për bosët e krimit në këtë vend.

Përgëzojmë punën e vështirë dhe me kurajë të Policisë së Shtetit, Prokurorëve të Krimeve të Rënda dhe Gjyqtarëve të Krimeve të Rënda.

LAJME TË TJERA PËR KËTË ARGUMENT:

• Arrest shtëpie për ish-ministrin Saimir Tahiri
• Arrest shtëpie Tahirit, përse ju tha pështyma Kryeministrit?!
• Si e priti Tahiri vendimin e Gjykatës?
• “Gjer në varr mbrapa do më kesh”. Berisha zbardh bisedën Tahiri-Rama
• Lulzim Basha: Loja Rama–Tahiri vazhdon
• Vasili: Estrada që po ndodh sot u paralajmërua
• Çfarë paralajmëroi Kryetarja e LSI 10 ditë më parë 
• Prova e re që mbërrin nga Greqia kundër Tahirit