Arrestimi i përdhunuesit. Petrit Vasili: Kryeministri Rama qenka vetë horri

Kryesore E Enjte, 9 Shtator 2021 10:22

Kryetari i Grupit Parlamentar të LSI-së, Petrit Vasili ka reaguar pas arrestimit të djalit të deputetit të PS-së, Rexhep Rraja.

Vasili është shprehur se Rama lehu pa u lodhur se ishte Emiljano Nuhu horri dhe se do ta ndiqte për jetë a vdekje sepse kishte gënjyer kundra rilindjes por që në fakt doli që kryeministri qenka vetë horri.

Postimi i plotë i Vasilit:

Arrestimi i përdhunuesit, kryeministri qenka vetë horri.

Dje kryeministri lehu pa u lodhur se ishte Emiljano Nuhu horri dhe se do ta ndiqte për jetë a vdekje sepse kishte gënjyer kundra rilindjes.

Sot gjykata e arrestoi përdhunuesin ngjarjen e të cilit qeveria e kryeministrit e kishte fshehur për muaj me radhë.

Pra gjykata i dha të drejtë Emiljano Nuhut, që denoncoi krimin e fshehur për muaj të tërë dhe jo kryeministrit, që e quajti horr.

Natyrshëm horri i vetëm mbetet të jetë vetë kryeministri, që shpërdoroi poshtërsisht karrigën për të bërë shantazh dhe presion në mbrojtje të krimit dhe përdhunimit të të tijve dhe nuk e mbrojti denoncuesin e krimit të përdhunimit, por e kërcënoi.

A ka horrllëk më të madh?

Mbylle gojën kryeministër dhe mos fol më se qelbe dynjanë!!!