Shqipëri-Zvicër/ Mesazh tepër prekës mes dy vëllëzërve Xhaka për ndeshjen

Një mesazh prekës ai i Granit Xhakës, lojtarit të Zvicrës për të vëllain e tij i cili luan me Shqipërinë e ku do luajnë të shtunën ora 15.00 kundër njëri tjetrit. Ai ka postuar në rrjetet sociale 24 orë para takimit disa fjali mjaft emocionuese së bashku me foton e mëposhtëme:

“Vëllai im dhe unë kemi qëndruar bashkë pavarësisht çfarë ka ndodhur. Nesër do të jetë hera e parë që ne do të përballemi me njëri tjetrin në fushë si kundërshtarë dhe unë shpresoj që të jetë hera e parë dhe e fundit. Ne do t’i tregojmë botës se edhe pse jemi kundërshtarë në 90 minuta ne do të qëndrojmë së bashku ashtu siç bën një vëlla. Një ndeshje nuk mund të na ndajë as si shokë dhe as si vëllezër. Të uroj shëndet dhe shumë fat në ndeshjen e nesërme dhe ti do të mbetesh gjithmonë model për mua.”