Meta: Deri në vitin 2022, Presidenca do jetë kështjellë e pamposhtur në mbrojtje të Kushtetutës

Presidenti Ilir Meta ka reaguar pas dëshmisë së dhënë sot në komisionin hetimor për shkarkimin e tij. Në një publikim në Facebook, Meta shprehet se deri në 24 korrik të vitit 2022, kohë kur mbaron dhe mandati 5-vjeçar i tij, institucioni i Presidentit të Republikës do të jetë një kështjellë e pamposhtur në mbrojtje të Kushtetutës.

“Shumë i lumtur që m’u dha sot mundësia të kthehem në Parlament pas një mungese gati dy vjeçare, për të rikonfirmuar edhe njëherë se deri në 24 korrik 2022, Institucioni i Presidentit do të jetë një kështjellë e pamposhtur në mbrojtje të Kushtetutës, demokracisë, pluralizmit, interesit kombëtar dhe atij publik, me qëllimin e vetëm anëtarësimin e shpejtë dhe pa vonesa të Shqipërisë në Bashkimin Europian”, shkruan Presidenti Meta.

Kreu i shtetit ka publikuar dhe një video me momente nga seanca e sotme në komisionin hetimor.

• Kreu i shtetit: Zgjedhjet janë shtyrë dhe pesë herë të tjera
• E ka vendosur Gjykata e Strasburgut, jo zgjedhje me 1 kandidat
• Meta: Kuvendi e ka bërë gjykimin para nisjes së hetimit
• Presidenti në komisionin hetimor, Fuga: Çfarë turpi!
• Lefter Maliqi: Kuvendi show me Presidentin
• Meta: Rama e Basha, “marrëveshje” për konfrontim, donin gjakderdhje