LSI, Petrit Vasili: Burg për autorët e vjedhjes së tenderit 40 milionë euro për Unazën e Re

Petrit Vasili, kryetar i grupit parlamentar të LSI, akuzoi sot kryeministrin Rama se po vjedh hapur tenderin 40 milionë euro vetëm për 2.2 kilometra autostradë te Unaza e Re. Ai tha se kryeministri e organizoi gjithë katrahurën e djeshme që të spostojë vëmëndjen publike nga vjedhja e 40 milionë eurove me firma që paraqitën zero lekë ofertë dhe që nuk e bëri tender të hapur siç e ka ligji, por e copëtoi në copa me nga 700 metra. Ky është një skandal i hapur dhe pse prokuroria nuk fillon hetimet ndaj këtij megakorrupsioni në mes të Tiranës, tha Vasili.

Kreu i grupit parlamentar të LSI, shtoi se ndarja në tre copa tenderimi mbetet për tu hetuar nga prokuroria, dhe nëse nuk e ndëshkon kjo drejtësi, atëhere kur të vijmë në pushtet, nuk do ti ndahemi këtij tenderimi jashtëzakonisht korruptiv. Kryeministri edhe me tenderimet e tjera apo me PPP ka bërë vjedhje spektakolare duke e çuar në afro 2.2 miliardë euro të marra nga buxheti i shtetit në favor të kompanive oligarke që ndajnë paratë mes tyre, vazhdoi kreu i grupit të LSI. Nuk ka në botë çmime të tilla katastrofale që për 2200 metra autostradë të jepen 40 milionë euro. Djallëzisht e kanë ndarë në tre copa në tre tenderime, sepse ligji e ka se për shuma mbi 20 milionë euro tenderi bëhet i hapur dhe ku marrin pjesë shumë firma. Por kur tenderi mbetet i hapur është pak e vështirë vjedhja, sidomos në vlera kaq të mëdha. Prandaj-tha Vasili- qeveria e ka copëtuar 2200 metra në tre pjesë me nga afro 700 metra. Një veprim hapur korruptiv.

ARRSH-ja dhe ministria e Transportëve do jenë nën hetim sapo drejtësia të funksionojë, paralajmërojë, theksoi Petrit Vasili, duke nënkuptuar autoritetin firmosës të ARRSH dhe ministrinë e transportëve