Tom & Jerry janë dy nga personazhet e animuar më të dashur të fëmijëve, por jo vetëm. Beteja e vazhdueshme dhe sherret me humor ndërmjet këtyre personazheve kanë bërë që ky film vizatimor të bëhej më i famshmi i të gjitha kohërave dhe vazhdon të jetë një ndër filmat më të dashur për të gjithë. Por, a keni menduar ndonjëherë për fillet e këtij filmi apo dhe sukseset e tij? “Tom & Jerry”, nuk janë quajtur gjithmonë kështu! Për dikë është e pamundur ta besojë që këto dy legjenda nuk janë quajtur prej fillimit Tom dhe Jerry, por kjo është e vërtetë. Në daljen e tyre të parë në vitin 1940 Tom quhej Jasper, ndërsa Jerry-t i referoheshin si Jinx. “Tom & Jerry”, ka fituar çmimin Oscar! Për një film të animuar me një mace dhe mi është mjaftë mbresëlënëse çmimi “Oscar”, ku shumë yje të filmave e “xhelozojnë”. Në vitet e ’60-të “Tom & Jerry” është bërë nga çekët. 13 episode të filmit të animuar Tom & Jerry janë çekë, ku animacioni ishte me një ton më të lartë, ishin më luftarak, me vështirësi dhe me efekte të përsëritshme të zërit.