Gruaja lind në autobus, kompania i dhuron vogëlushes udhëtime falas

Një ngjarje aspak e zakontë i ka ndodhur një gruaje e cila e ka lindur fëmijën e saj në autobus. E porsalindura Zenep ka ardhur në jetë të mërkurën e 8 majit në një autobus, midis Parisit e Lille.

Nëna e saj po udhëtonte nga Barcelona për në Bruksel, por në gjysmë të rrugës i plasën ujërat. Shoferi ndaloi menjëherë në një stacion shërbimi në Ressons, kur kanë qenë vetëm orët e para të mëngjesit.

Për kompaninë e autobusëve ishte hera e parë në histori që përjetonin një ngjarje të tillë, ndërsa lindja ka qenë e suksesshme dhe nëna së bashku me foshnjën janë transferuar në një spital aty pranë.

Ashtu si nëna edhe vogëlushja janë në gjendje të mirë shëndetësore, e ndërsa për t’i bërë sa më shumë të lumtura kompania vendosi të ofronte për vogëlushen udhëtime falas deri në një moshë madhore.