Plazh edhe në Belsh

Liqeni në qendër të qytetit të Belshit, do të jetë i aksesueshëm në të gjitha anët e tij. Ka nisur faza e tretë e punimeve që parashikon ndërtimin e një pedonaleje përgjatë liqenit, një korsi buçikletash, amfiteatër dhe ambiente për fëmijë. Do të jetë gjithashtu një zonë e parashikuar për plazh, ambiente sportive dhe një kullë vrojtimi për vizitorët. 40 mijë turistë e vizituan Belshin në 6 muajt e parë të këtij viti. Zhvillimi i mëtejshëm i zonës dhe krijimi i shërbimit të hotelerisë pritet që të dyfishojë këtë numër.