Pse quhet “kuti e zezë” e avionit kur është portokalli?

Është e pamundur të mos keni dëgjuar në ndonjë dokumentar, apo edhe në lajme për “kutinë e zezë”, pajisje kjo që duhet ta posedojë çdo aeroplan. Mirëpo, ju ndoshta edhe jeni habitur pse quhet e zezë kur kjo kuti ka ngjyrë portokalli?! “Kutia e zezë” është e përbërë nga dy pjesë të veçanta të pajisjeve: si regjistrues i të dhënave të fluturimit (FDR) dhe një regjistrues zëri kabinës (CVR). Ato janë të detyrueshme për çdo fluturim komercial. Zakonisht kjo kuti vendoset në bishtin e avionit, pra në pjesën e pasme të tij, pasi ka më shumë gjasa për t’i mbijetuar një aksidenti. Kjo kuti ka një ngjyrë të ndritshme portokalli, në mënyrë që të vërehet më lehtë nën rrënojat ku ka ndodhur aksidenti. Ngjyra portokalli është një ndër ngjyrat më të përdorura në hapësirën ajrore vetëm e vetëm për t’u dalluar objektet në rrethinen e tyre. Megjithatë, i vetmi shpjegim pse kjo kuti quhet “Kuti e zezë” është se kjo pajisje brenda duhet të jetë në errësirë të plotë, ngjashëm si një aparat fotografik, pasi vetëm kështu mund të funksionojë.