Detaje nga takimi i Ramës me drejtuesit e PS-së: Të jeni gati për zgjedhje

Kryeministri dhe kreu i PS-së, Edi Rama zhvilloi këtë mbrëmje një takim me deputetët dhe ish-deputetë të qarkut të Tiranës, që kanë kontribuar në fushatë. Rama ka kërkuar që të vijojnë për rienergjizimin e partisë dhe të vijojnë takimet që puna e bërë deri tani të mos shkojë dëm për të qenë gati për zgjedhje në çdo kohë. “Shpjegoni strukturave dhe qytetarëve buxhetin e 2026 dhe se çfarë përfitimi do të ketë për ta, që nga pensionet, paga minimale apo në sektorë të tjerë që i prek ata drejtëpërdrejtë”, mësohet të jetë një nga detyrat e tjera që Rama ka caktuar për të tijtë.