“Dracula i vërtetë” gjendet në kështjellë, po tmerron turistët

Kështjella e cila përdoret si atraksion turisik për turistët tashmë po funksionon me të vërtetë si një vend frikësues dhe jo për shkakun e vampirit të famshëm por prej një arushe me tre këlyshë.

Autoritetet rumune kanë ndaluar vizitat pasi turistët që ngjisnin 1480 shkallë për ta parë nga afër rrënojat e kështjellës janë ndeshur atje me kafshën dhe këlyshët e saj.

Ministria e Ambientit i ka dhënë dritën jeshile për t’i kapur dhe zhvendosur 4 arinjtë, por ata ende nuk kanë vendosur se ku do t’i çojnë. Policia fajëson turistët se lënë ushqim në zonë, duke joshur kafshët.