Durrësi ndez dritat e festave, nis atmosfera e dhjetorit, Rama poston videon magjike

Në qytetin bregdetar të Durrësit janë ndezur dritat e festave të fundvitit, duke sjellë atmosferën magjike në këtë ditë të parë të dhjetorit. Rrugët dhe sheshet kryesore janë zbukuruar me dekorime festive, ndërsa bredhi i madh i Krishtlindjeve është vendosur në qendër të qytetit, duke u kthyer në një pikë tërheqëse për qytetarët dhe vizitorët.

Kryeministri Edi Rama ka ndarë pamje nga Durrësi i ndriçuar, ku shfaqet dekorimi festiv që ka veshur qytetin në prag të festave të fundvitit.

Në videon e shpërndarë në rrjetet sociale dallojnë dritat shumëngjyrëshe, pema e Krishtlindjeve dhe atmosfera festive që ka përfshirë sheshin qendror të qytetit bregdetar. Vezullimi i dritave dhe zbukurimet e shumta kanë sjellë magjinë e dhjetorit, e cila tashmë ndihet fuqishëm në Durrës.