Gjimnazistët në disa qytete të Shqipërisë bojkotojnë mësimin dhe nisin protestën

Gjimnazistët në Korçë dhe ata në Kamëz, kanë bojkotuar mëngjesin e sotëm mësimin dhe kanë nisur protestën. Sipas nxënësve, ata vendosën të dalin më herët nga shkolla, pasi pretendonin se mësuesit do t’u mbyllnin derën gjatë pushimit të madh dhe nuk do t’i lejonin të dilnin për të protestuar. Bojkoti i mësimit dhe dalja e gjimnazistëve në rrugë vjen në vijim të protestave të të rinjve, të cilat ditët e fundit janë shoqëruar me tensione dhe përplasje me policinë.