Carlo Ancelotti ka konfirmuar se Neymar nuk do të rikthehet më në Kombëtaren e Brazilit, duke i dhënë fund një kapitulli të rëndësishëm në historinë e futbollit brazilian.
Trajneri italian ka bërë të ditur se vendimi i takon vetë Neymarit, i cili ka konfirmuar se nuk dëshiron të veshë më fanellën e përfaqësueses braziliane.
“Neymari e meritonte të ishte aty për shkak të cilësive të tij. Megjithatë, ai tashmë ka konfirmuar se nuk dëshiron të rikthehet në kombëtare. Ai është i pazëvendësueshëm, sepse ishte një talent i jashtëzakonshëm dhe unik”, u shpreh Ancelotti.
Me këtë vendim, Neymar duket se i ka dhënë fund aventurës së tij me Brazilin, ku për vite me radhë ishte një nga figurat kryesore dhe më të rëndësishme të ekipit kombëtar.