Rama në Cernobbio, sot në panel me kryeministrin kroat. Mesdheu, një rol kyç për të ardhmen e Europës

Kryeministri Edi Rama ndodhet në Itali, ku po merr pjesë në edicionin e 52 të Forumit “Intelligence on the World, Europe and Italy”, që zhvillohet në Cernobbio, me pjesëmarrjen e liderëve të lartë politikë, institucionalë dhe ekonomikë nga Evropa dhe më gjerë.

Rama do të jetë pjesë e panelit “Agjenda për Evropën”, në kuadër të debatit me temë “Mesdheu i zgjeruar”. Në panel do të marrë pjesë edhe Kryeministri i Kroacisë, Andrej Plenković.

Diskutimi do të moderohet nga ish-Kryeministri i Italisë, Paolo Gentiloni, i cili aktualisht mban postin e Presidentit të Këshillit Këshillimor të EIB Global.

Forumi i Cernobbios mbledh çdo vit figura të rëndësishme të politikës, institucioneve dhe ekonomisë, me diskutime të fokusuara në zhvillimet aktuale në Evropë dhe në skenën ndërkombëtare.