Rama poston fotot: Agroturizëm ”Huqi” ofron akomodim në kabina druri dhe gatime tradicionale

Investimet në agroturizëm po bëhen gjithnjë e më tërheqëse për individë të ndryshëm, veçanërisht për ata që kanë lidhje të forta me zonat rurale. Kryeministri Edi Rama ka ndarë pamje nga agroturizmi “Huqi”, i vendosur në fshatin Radë të Durrësit, duke e cilësuar atë një shembull të suksesshëm të këtij sektori në rritje.

”Agroturizëm “Huqi”, në fshatin Radë të Durrësit, është një sipërmarrje që është zhvilluar ndër vite, duke zgjeruar aktivitetin dhe shërbimet e saj. E mbështetur nga AZHBR përmes Skemës Kombëtare, ajo ofron akomodim në kabina druri dhe gatime tradicionale me produkte të freskëta vendase”, shkruan Rama.

Vizitorët mund të shijojnë natyrën, të vizitojnë fermën dhe të angazhohen në aktivitete si peshkimi, shëtitjet me varkë dhe guidat në kodrat përreth. Përmes “Paketa e Maleve” ofron lehtësi dhe kushte favorizuese për rikthimin e kapitalit në këto territore, duke nxitur zhvillimin ekonomik lokal dhe shfrytëzimin e potencialit të tyre.