Shqipëria mirëpret botën, Rama poston videon: Rikthehen Javët Kulturore Ndërkombëtare 2026

Kryeministri Edi Rama ka njoftuar rikthimin e Javëve Kulturore Ndërkombëtare për vitin 2026, në edicionin e tyre të pestë. Ky event i shumëpritur pritet ta shndërrojë Shqipërinë në një skenë të madhe ndërkombëtare, ku artistë nga vende të ndryshme të botës do të sjellin performanca, ekspozita dhe aktivitete që pasqyrojnë kulturat e tyre.

Nën moton e bashkimit përmes artit, aktiviteti synon të krijojë ura komunikimi mes kulturave, duke sjellë emocione, ngjyra dhe histori që kapërcejnë kufijtë. Organizatorët bëjnë thirrje që publiku të qëndrojë i lidhur për më shumë detaje mbi programin dhe pjesëmarrësit.

Ky edicion pritet të jetë edhe më i pasur dhe më gjithëpërfshirës, duke e kthyer Shqipërinë në një pikëtakim të rëndësishëm kulturor në rajon dhe më gjerë.