VIDEO/ Vala e protestave për Zvërnecin arrin në Berlin

Vala e protestave për Zvërnecin ka arritur në Berlin, ku pjesëtarë të diasporës shqiptare në Gjermani, shprehën pakënaqësinë ndaj qeverisë shqiptare dhe institucioneve shtetërore.

Protestuesit kërkuan largimin e qeverisë, më shumë transparencë lidhur me çështjen e Zvërnecit dhe rritje të llogaridhënies nga institucionet publike. Organizatorët e cilësuan protestën si një reagim qytetar të diasporës ndaj zhvillimeve politike në Shqipëri.

Sipas tyre, demonstrata në Berlin pasqyron shqetësimet e një pjese të shqiptarëve që jetojnë jashtë vendit dhe vjen në vijim të protestave të zhvilluara së fundmi në Tiranë. Në mesazhet e përcjella gjatë tubimit, pjesëmarrësit shprehën kundërshtimin ndaj qeverisë shqiptare dhe kryeministrit Edi Rama.