Zjarri në kompleksin “Arlis”, Inspektorati i Përgjithshëm: Inspektim i menjëhershëm për zbulimin e shkaqeve

Inspektorati i Përgjithshëm ka reaguar në lidhje me zjarrin e madh që shkrumboi pallatin në Tiranë, duke zbuluar se është ngritur grupi i punës për inspektim të menjëhershëm të shkaqeve të kësaj ngjarjeje.

“Urdhërat Nr. 90 dhe Nr. 91, datë 14.04.2026 për “Kryerjen e Inspektimit pranë Subjekteve Private në pallatin “Arlis”.

Marrë shkak nga aksidenti i ndodhur ditën e djeshme, me pasojë zjarr, urdhërohet kryerja e inspektimit të menjëhershëm pranë subjekteve private në pallatin “Arlis”, me qëllim verifikimin e shkaqeve të aksidentit.

Inspektimi do të kryhet nga trupat inspektuese të:

– Inspektoratit Shtetëror Teknik dhe Industrial; dhe

– Inspektoratit Kombëtar të Mbrojtjes së Territorit”, thuhet në njoftimin zyrtar.