Dimri dhe patologjitë, Todhe: Mos ndërmerrni veprime të rrezikshme

Temperaturat tashmë janë ulur ndjeshëm duke sjellë edhe një rritje të personave të prekur nga virozat. I ftuar në “ABC e mëngjesit”, ortopedi Dritan Todhe ka folur për traumat e shkaktuara në këto muaj të ftohtë. “Në muajt e ftohtë frekuenca e traumave është më e shpeshtë. Në stinën e dimrit traumat hasen shpesh nga ata që janë të pakujdesshëm me shëndetin. Vitin e fundit çdo dy ditë kemi pasur trauma të cilat vinin nga sportet e skive”. Ndërkohë ai u bën thirrje qytetarëve të mos ndërmarrin veprime për të cilat nuk janë të trajnuar. “Pacientët të evitojnë aventurat, të mos hyjnë në garë me vetën apo të tjerët”.