Moti për nesër dhe në fundjavë, bëhuni gati të “plasni”

Meteorologët e Meteoalb, parashikojnë se moti në vijim, sot por edhe ditët vijuese, duke përfshirë edhe fundjavën pritet të ketë qëndrueshmëri ku paraditet do të vijojnë me kthjellime e vranësira kalimtare, ndërsa pas mesditës dhe orët e para të pasditeve, do të ketë fuqizim të përkohshëm të vranësirave në territor duke sjellë shira në zonat Lindore si edhe shira të dobët në zona të izoluara të Qendrës dhe Jugut.

Duhet theksuar se gjatë gjithë këtyre ditëve dhe kryesisht në fundjavë, kushtet e motit në bregdet mbeten të favorshme.

Temperaturat e ajrit do të pësojnë luhatje të lehta nga dita në ditë duke variuar nga 11 – 12°C vlera më e ulët gjatë mëngjesit në zonat Juglindore deri 31 – 32°C, maksimumi në disa qytete si Shkodër, Lezhë, Tiranë, Elbasan, Fier, Berat Gjirokastër.