Basha: Të mërkurën e ka radhën Edi Rama që të vijë në Komisionin Hetimor

Kreu i PD, Lulzim Basha duke folur nga Kamza ka deklaruar se të mërkurën e ka radhën kryeministri Rama të paraqitet para Komisionit Hetimor për aferën e inceneratorëve.

“Po kjo, 430 milionë euro. Kur filluam të flisnim për  aferën, a kurset e opozitës, kështu e ka opozita, shikoni si ditë për ditë po dalin faktet. Besoj e keni ndjekur komisionin e inceneratorëve, punën e jashtëzakonshme, që po bëjnë përfaqësuesit tanë në atë komision nga drejtuesja e komisionit nënkryetarja e partisë Jorida Tabaku, e cila në mënyrë të patrembur i ka vënë para përgjegjësisë nga i pari të i fundit deri te dita e fundit e kësaj jave, dhe javës tjetër fillojmë me politikanët, të mërkurën e ka radhën Edi Rama të vijë para komisionit”, deklaroi Basha.