Drejtuesi politik i qarkut të Lezhës Agron Gjekmarkaj ishte pjesë e takimi me demokratët me rastin e 34-vjetorit të themelimit të PD në Lezhë.
Në fjalën e tij, deputeti demokrat tha se “pranvera po vjen”, teksa shtoi se “PD mbetet e vetmja alternativë për shpëtimin e Shqipërisë”.
Sipas tij, PD dhe opozita janë gati për të shndërruar sfidën në mundësi, ndërsa bëri thirrje për bashkim të të gjithë demokratëve.
“PD mbetet e vetmja alternativë për shpëtimin e vendit. Ne jemi gati ta shndërrojmë sfidën në mundësi dhe ta kthejmë Shqipërinë në rrugën e shpresës. Lezha, Kurbini së bashku me diasporën janë gati të përballen me të keqen që ka marrë peng vendin. Ne jemi më të përkushtuar për të ndaluar krimin, regresin dhe shkatërrimin që po ndodh. Sot më shumë se kurrë kemi nevojë për bashkim, tolerancë dhe për front të qëndresës. Pranvera e fitores po vjen, le të punojmë së bashku për ta bërë këtë vizion realitet”, tha Gjekmarkaj.