Babë e bir humbën jetën nga rrjedha e ujit, reagon ambasadorja Yuri Kim

Ambasadorja amerikane Yuri Kim ka reaguar për tragjedinë e ndodhur një ditë më parë në Malësinë e Madhe, ku humbën jetën babë e bir, si dhe për situatën e rënduar në veri si pasojë e reshjeve të dendura.

“Jemi të pikëlluar për vdekjen dhe dëmet që rezultuan nga përmbytjet shkatërruese në veriun e Shqipërisë. Shprehim ngushëllime për familjet e atyre që humbën njerëzit e tyre të dashur dhe respekt për guximtarët shqiptarë që ndihmojnë bashkëqytetarët e tyre. Ne jemi të gatshëm të ofrojmë mbështetje sipas nevojës”, shkruan ambasadorja Kim.