Bajpasi i Gjirokastrës, Rama: Në pranverë do t’i japë zemrës së qytetit një jetë të re

Kryeministri Edi Rama ka shpërndarë në rrjetin e tij social “facebook” pamje nga punimet në Bajpasin e Gjirokastrës, i cili tanimë ka marrë formë.

“Po merr formë përfundimtare Bajpasi i shumëpritur e i premtuar prej dhjetëra vitesh i Gjirokastrës, i cili në pranverë 2023 do t’i japë zemrës së qytetit një jetë të re, duke hequr makinat, zeruar ndotjen e garantuar lëvizjen e këmbësorëve në krejt zonën muzeale, por edhe duke çliruar potenciale të reja të zhvillimit të turizmit që rritet vit pas viti”, shkruan Rama krahas pamjeve që sjell.