Basha, kryeprokurores Arta Marku: Po punon si hetuesi i Edi Ramës

Politikë E Shtunë, 31 Korrik 2021 07:51

Kreu i Partisë Demokratike, në deklaratën e tij për mediat dje, ka akuzuar kryeprokuroren Arta Marku se ajo po punon si hetuesi i Edi Ramës.

Basha po ashtu i kujtoi të shkuarën dhe tha se Marku ka një të shkuar të njollosur dhe ka hequr të drejtat padrejtësisht qytetarëve.

“I bëj thirrje Prokurores së Përgjithshme të Përkohshme, e cila ka një të shkuar të njollosur nga kufizime të padrejta të lirisë së qytetarëve, që të ndalë menjëherë së vepruari si hetuesi politike në shërbim të Edi Ramës. Prokuroria duhet të shpallë prioritet kombëtar luftën kundër drogës, krimit të organizuar dhe korrupsionit. Dosjet e Saimir Tahirit, Vangjush Dakos, Qazim Sejdinit, Damian Gjiknurit, Ilir Beqajt, Klement Balilit, Habilajve dhe kriminelëve të tjerë duhet të jenë fokusi i punës së saj.”, – deklaroi Basha.