Basha pyetet nëse ka pasur komunikim me Ramën. Përgjigjet ish-kryetari i PD: Vetëm dy herë…

Lulzim Basha i është përgjigjur deklaratës së Edi Ramës, i cili gjatë Kongresit të PS tha se i ka dërguar një mesazh duke e paralajmëruar se PD do të shkojë në këtë situatë.

Basha tha se kjo nuk është e vërtetë dhe se me Ramën ka komunikuar vetëm dy herë, me dy mesazhe ngushëlluese për dy humbje respektive që kanë pasur në familje.

“Është gënjeshtër deklarata e Ramës, ka pasur komunikim për dy ngushëllime, këto kanë qenë komunikimet e mia me Ramën. Treshja e tranzicionit hedh gënjeshtra për të hequr vëmendjen. Si mund të kesh një politikë që i shërben njerëzve, kur ato vijnë me vota të blera nga figura të krimit të organizuar”, tha Basha në një deklaratë për mediat.