Basha: Vangjush Dako është përgjuar duke bërë pazare për vota me krimin

Politikë E Shtunë, 17 Korrik 2021 20:11

Kryetari i PD, Lulzim Basha ka hedhur akuza të forta në drejtim të kryebashkiakut socialist të Durrësit, Vangjush Dako. Në një deklaratë për mediat, Basha tha se ka prova që Dako ka bashkëunuar me krimin.

“Vangjush Dako është kapur në flagrancë duke bashkëpunuar me grupet kriminale më të rrezikshme të Durrësit, ku ju kërkuar të blejnë votat”- deklaroi kreu i opozitës.

Sipas kryedemokratit Basha, Vangjush Daku është përgjuar në telefon duke bërë pazare me kriminelët për të blerë vota për socialistët, duke ju premtuar tendera që kapin shifra miliona euro.