Besnik Mustafaj tregon çfarë fshihet pas sulmit të Ramës ndaj gazetarëve

I ftuar në studion e lajmeve në “News 24”, gazetari Besnik Mustafaj, ka komentuar veprimin e kryeministrit Rama kundrejt gazetarëve ditën e sotme, pas mbarimit të seancës plenare.

Mustafaj ka pohuar se për këtë gjest mund të këtë dy interpretime.

“Së pari besoj se është tregues se Ramën e lëshuan nervat, në dukje ishte një krizë nervore e rëndë. Ishte një shprehje e humbjes së kontrollit të nervave dhe kjo është shqetësuese për shoqërinë.

Së dyti si një aktor i mirë që është e përdor situatën për të krijuar lajm dhe për të tërhequr vëmendjen nga vendimi për Tahirin”, ka deklaruar Mustafaj.

Në vijim ai tha se ky ishte një akti i rëndë dhe shoqatat e sindikatat e gazetarëve shqiptarë duhet të informojnë institucionet homologe në Europë e më tej, pasi kjo është e vetmja mënyrë që Rama të ndërgjegjësohet.

“Rama është poltikan që dëgjon vetëm kur kërbaçi kërcet nga jashtë”, ka thënë Besnik Mustafaj.