Bie në Lanë autobusi i Unazës, disa pasagjerë të plagosur. Një makinë përmbyset (FOTO)

Momente paniku kanë përjetuar pasagjerët, kur urbani i Unazës në Tiranë, ra në Lanë. Ngjarja ndodhi në orën 20:10 tek kinema Agimi, ku urbani është përplasur me një mjet, për pasojë ka rënë në lumin e Lanës.

“Më datë 29.04.2022, rreth orës 20:10, në afërsi të Kinema Agimi, një autobus është përplasur me një automjet, dhe si pasojë drejtuesi i autobusit ka humbur kontrollin mbi drejtimin e tij, dhe ka rënë në Lumin Lana.

Si pasojë e aksidentit janë dëmtuar dhe janë paraqitur në spital dhe ndodhen jashtë rrezikut për jetën dy pasagjerët e automjetit që u përplas me autobusin. Grupi hetimor ndodhet në vendngjarje dhe po punon për sqarimin e rrethanave të aksidentit”, thuhet në njoftim.