Tedi Blushi thirrje Ministrisë së Jashtme për radhën në Kapshticë: Nevojitet një zgjidhje e menjëhershme

Sekretari i Përgjithshëm i PL-së Tedi Blushi ka reaguar për radhët e gjata të krijuara sot në pikën kufitare të Kapshticës.

Përmes një postimi në Facebook, Blushi ka postuar foto nga Kapshtica ku shkruan se qytetarët janë braktisur nga shteti dhe prej orësh janë bllokuar me makinat e tyre.

Postimi i plotë:

Qytetarët e braktisur nga Qeveria prej orësh qëndrojnë të bllokuar në pikën kufitare të Kapshticës!

Ministria për Europën dhe Punët e Jashtme të vendosë sa më parë kontaktet me palën greke për të lehtësuar dhe garantuar lëvizjen e lirë!

Nevojitet një zgjidhje e menjëhershme për të gjithë shqiptarët që po torturohen në pritje!