Braimllari: Kryeministër qesharak dhe arrogant

Sekretari i Përgjithshëm i LSI, Endrit Braimllari e cilëson shtyrjen e negociatave për Shqipërinë, si një dështim të qeverisë “Rama”.

Braillari thotë se me qëndrimet që po mban kryeministri pas dështimit, po tregon se është qesharak dhe i papërgjegjshëm.

Postimi i plotë:

“Negociatat nuk janë çelur më 28 Qershor, por vendimmarrja është shtyrë me një vit dhe me më shumë kushte në raport me Shqipërinë. Sot shqiptarët po përballen me një Kryeministër të çekuilibruar, i cili e shkatërroi njëherë e përgjithmonë këtë vend. Ka vetëm një përgjegjës për mos çeljen e negociatave. Ai është Edi Rama. Nuk mundet Europa t’i japi dritën jeshile një Kryeministri, i cili nuk do pikësëpari popullin e tij. Ky Kryeministër antikombëtar është i kapur nga krimi i organizuar, trafiku i lëndëve narkotike dhe drogërave të forta. Sot kufijtë shqiptarë janë më të pasigurtë se kurrë, sepse të gjithë jemi dëshmitarë sesi fiken dhe ndizen radarët e kufirit me urdhër politik për të favorizuar trafikantët. Sot Shqipëria është më e varfër se kurrë, dhe nuk ka asnjë plan të këtij kryeministri për uljen e normës së papunësisë për hapjen e vendeve të punës. Nuk flet ky Kryeministër për qytetarët e këtij vendi që me zorr nxjerrin bukën e gojës. Ky dhe oborrtarët e tij nuk i kuptojnë qytetarët, sepse janë larg tyre”.