Braimllari: Rama, përgjegjësi kryesor për mos hapjen e negociatave

Sekretari i Përgjithshëm i LSI, Endrit Braimllari deklaron se politikani kryesor që ka përgjegjësi për mos hapjen e negociatave për Shqipërinë është Edi Rama.

Në një reagim në Faceook, Braimllari shprehet se të gjitha qëndrimet që janë mbajtur nga kryeministri kanë shkaktuar pengesën e procesit të integrimit.

Deklarata e Endrit Braimllarit:

“Kryeministri i drogës dhe i skandaleve të kësaj qeverie është përgjegjësi kryesor për mosçeljen e negociatave.

Të gjithë shqiptarëve për 10 muaj rresht i ka thënë në çdo takim që më 28 Qershor do të hapen negociatat. Në këto 10 muaj e vetmja gjë që ka bërë është përfshirja e tij në trafikimin e lëndëve narkotike dhe trafikun e drograve të forta. Me urdhër të këtij Kryeministri është bërë i mundur mosfunksionimi i radarëve për të favorizuar krimin e organizuar.

Ka dhunuar Kushtetutën e vendit me zgjedhjen e Prokurores së Përgjithshme të Përkohshme me 69 vota.

Dhunoi artin duke marrë një vendim klientelist vetëm për interesat e tij dhe kastës së tij kriminale për prishjen e teatrin dhe ndërtimin e kullave.

Çdo ditë e më shumë po rritet numri i largimit të të rinjve nga Shqipëria. Nuk ka mundësi punësimi dhe është rritur varfëria në vend.

Të gjitha këto të këqija këtij vendi i kanë ardhur nga ky Kryeministër, i cili është antikombëtar në çdo veprim që bën”.