Kryeministri Edi Rama, në rubrikën e tij “Sy m’sy”, iu përgjigj një komentuesi, i cili i thotë “çfarë bëre në 12 vite qeverisje?”
Në përgjigjen e tij, Rama renditi disa nga arritjet që, sipas tij, kanë transformuar vendin duke e çuar në prag të Bashkimit Europian”.
“Njëri thotë se çfarë ke bërë në 12 vite? Kemi bërë 1 mijë kilometra rrugë europiane në mbarë vendin. E solla Shqipërinë në pragun e BE-së, kemi ndërtuar shkolla dhe spitale të reja. Duhen 10 ditë për të treguar se çfarë kam bërë në 12 vite. Këta nuk dinë të bëjnë opozitë, këta dinë vetëm të vetëshkatërrohen dhe të dëmtojnë veten. Prandaj, në zgjedhje do të marrin rezultatin më të keq nga 1997 e këtej. Kemi rritur ekonominë. Paga mesatare ka qenë 370 euro, është 830 euro etj. Tani kujt ia tregon barkun thatë? Vendi është mbushur plot me turistë, këtu është bërë derë e bujtinë. Shqipëria ishte gropë, sot është në pragun e BE-së”, tha Rama.
