21 janari, Gjiknuri: Faktet e reja, këmbanë që bie për organet e drejtësisë

Sekretari i Përgjithshëm i PS Damian Gjiknuri deklaroi se në dritën e fakteve të reja të bëra publike në media, 12-vjetori i vrasjes së katër qytetarëve të pafajshëm në bulevard është një këmbanë që bie për organet e drejtësisë.

“Në dritën e fakteve të reja të bëra publike në media, 12-vjetori i vrasjes së katër qytetarëve të pafajshëm Hekuran Deda, Ziver Veizi, Faik Myrtaj dhe Aleks Nika është një këmbanë që bie për organet e drejtësisë. Nuk ka më kohë për të humbur! Organet ligjzbatuese duhet të zbardhin plotësisht dhe të vënë para përgjegjësisë ligjore sa më shpejt jo vetëm ekzekutorët por edhe urdhëruesit e këtyre vrasjeve.
Çdo ditë e humbur pa zbuluar e ndëshkuar autorët e urdhëruesit është një barrë e rëndë në kurrizin e atyre organeve të drejtësisë që për mision kanë dhënien fund të pandëshkueshmërisë”, shkruan Gjiknuri