Damian Gjiknuri takon ambasadoren e Francës si sekretar i përgjithshëm i PS

Politikë E Hënë, 18 Tetor 2021 22:18

Damian Gjiknuri si sekretar i përgjithshëm i PS vazhdon takimet intensive brenda dhe jashtë vendit.

Sonte ai ka takuar ambasadoren e Francës. Pas takimit ai sqaron në facebook:

“Me ambasadoren e Francës, Elisabeth Barsacq, me të cilën diskutuam mbi vizionin e Partisë Socialiste në këtë mandat të tretë dhe riorganizimin e saj në funksion të të gjitha reformave të nevojshme për mirëqeverisjen e vendit.

Theksova përpjekjen tonë për vendosjen e një bashkëpunimi konstruktiv ndërpartiak në Kuvendin e Shqipërisë, me synim miratimin e reformave të rëndësishme.

Shpreha gatishmërinë e Partisë Socialiste për tu ulur me opozitën në çdo moment, në kuadër të diskutimeve për Reformën Zgjedhore, por edhe atë territoriale”.