DEBATI I PLOTË/ “Në shtëpinë e të varurit nuk përmendet litari”, opozita braktis “Ligjet” (VIDEO)

Pas çështjes “Tahiri”, opozita e Lulzim Bashës deklaroi se do të jetë në komisione vetëm për një çështje të ndjeshme siç ishte ajo e kancerit të gjirit, por edhe pse shkuan për të diskutuar e kanë braktisur atë.

Ndërsa diskutohej kjo çështje, në komisionin e Ligjeve kanë plasur debatet pikërisht për Saimir Tahirin dhe opozita e ka braktisur mbledhjen.

DEBATI I PLOTE
Alibeaj: Ne shprehemi kundër ligjit për shpenzimet buxhetore, njësoj si për mosarrestimin e Tahirit

Fino: Asnjë vend nuk eshtë pa pagesa gjyqësore

Alibeaj: Jo më drejtësi për qytetarët. Ky është vullneti i këtij Kuvendi. Çfarë u kuptua nga rasti Tahiri?

Manja: Keni një sallë poshtë për deklarata

Alibeaj: Mazhoranca po pengon reformën në drejtësi si më rastin Tahiri. Ju nuk doni të bëni drejtësi. Ja mohuat drejtesisë të drejtën për të gjykuar Tahirin dhe qeverinë.

Manja: Lëreni se e ka porosi. Ta mbarojë e të iki

Fino: Ligji është teknik. Nuk ka të bëjë me atë që thotë PD. Orientojeni mbledhjen sipas ligjit. S’mund të bëjmë politikë me këtë ligj

Alibeaj: Propozoj heqjen e imunitetit të Tahirit

Bylykbashi: Ju doni që qyetarët të paguajnë deri në 20 mln lekë më shumë. Ndërsa Tahirit ja dhatë mbrojtjen falas

Alibeaj: Hapini dyert drejtësisë. Keni mundësi deri të mërkurën ta rregulloni. Ju kanë ngelur pantallonat tek gardhi i imunitetit kushtetues

Strazimiri: Ju sot këtu nuk lejoni të përmendni emrin e Tahirit, nëqofëse kjo është porosia që keni marrë që të padyshuarin ekselenent të mos e përmendni, e hoqët dhe nga grupi. Fshijini fotot të gjtha që ka me Ramën. Na e thoni të paktën. Në shtëpinë e të varurit nuk përmendet litari. Këtu sot nuk lejohet të permendet emri i Saimir Tahirit

Halimi: 25 herë rritet tarifa gjyqësore për shqiptarët. Ligji ka vetëm në qëllim. Të rrisë maksimalisht tarifat gjyqësore. Ligji ka të bëjë me reformën në drejtësi.