Deputetja e LSI, thirrje PS: Është koha të lëshoni pak nga karriget

Deputetja e LSI, Kejdi Mehmetaj ka folur sot për vendimin Kryesisë së kësaj partie për krijimin e një qeverie besimi.

“Mbrëmë Kryesia e LSI mori vendimin e saj të prerë në interes të vendit dhe zgjidhjes së krizës politike. Qartazi u shprehëm se heqim dorë nga çdo mandat dhe pozicion i yni për të siguruar stabilitet dhe qetësi për shqiptarët. Ne hoqëm dorë nga çdo gjë, tani është radha që secili të heqë dorë nga diçka!

Nëse vërtet e doni vendin aq sa e thoni me fjalë, boll me arrogancë dhe mendjemadhësi, por me vepra konkrete lëshoni pak nga karriget dhe pushteti se kjo është ajo që presin qytetarët”, shkruan Mehmetaj.