Deputetja e PS-së: Prokuroria e kapur nga opozita

Deputetja e Partisë Socialiste, Klotilda Ferhati, e ftuar në studion e televizionit News24, ka komentuar zhvillimet e fundit e cila shfaqet tejet e nxehtë, pasi ish-ministri i Brendshëm Saimir Tahiri, dyshohet të jetë i përfshirë në trafikun e lëndëve narkotike.

Sipas Ferhatit, vota e deputetëve të opozitës kundër raportit të maxhorancës për Siamir Tahirin, dhe dëshira e tyre për të arrestuar atë, nuk është gjë tjetër vetëm marrja në dorë e pozicionit të gjykatësve.

Ferhati u shpreh se prokuroria u nxitua në vendimin e saj për Saimir Tahirin, por zotërimi i materialeve shtesë nga deputetët e opozitës në Këshillin e Mandateve, është shenjë e një prokurorie me prapavijë politike.