Dita Botërore e Fëmijëve. Vasili: Të mos kursejmë asgjë për të ardhmen

Në Ditën Botërore të Fëmijëv, kreu i deputetëve të LSI-së, Petrit Vasili ka bërë apel për më shumë vëmendje ndaj të ardhmes së vendit.

Në një postim në Facebook, Vasili shprehet se është detyrim i politikës dhe shoqërisë që të mendojë për rritjen normale të fëmijëve. Ai thotë se shteti dhe shoqëria duhet të mendoj që fëmijët të mos jenë të detyruar të punojnë në moshë të vogël, por as të mos shpërndajnë drogë.

Postimi i plotë i Petrit Vasilit në Facebook:

“Sot eshte dita femijeve dhe mendimi i pare shkon vetem tek ata. Femijet kane nevoje si ajri per nje familje te qete te bashkuar dhe te forte.

Varferia, papunesia taksat e larta e te padrejta, droga, krimi dhe gjuha agresive jane armiqte me te eger te familjes dhe te femijve si pjesa me delikate.

Te mos kursejme asgje qe femijet tane te rriten te qete ne Shqiperine tone te dashur dhe ne familje, qe forcohen.

Te largojme ata qe detyrojne femijet e mitur te nxjerrin krom, ata qe detyrojne femijet te shperndajne droge, ata qe u largojne prinderit nga puna per nje teser partie, ata qe parate e femijve jua dhurojne pasanikeve miq te tyre per ti ndare se bashku, duke e goditur e shperbere familjen shqiptare me tragjedine e varferise dhe skamjes”.