Duka: Protesta, derisa ministri i Brendshëm të mos jetë i lidhur me narkotikët

Kreu i PAA-së Agron Duka i ftuar në “360 Gradë” në Ora News thotë se protestat e opozitës do të vazhdojnë deri në momentin kur ministri i Brendshëm të mos jetë i lidhur me narkotikët.

Duka: Protestë pa limit, deri në momentin kur një ministër i Brendshëm nga radhët e PS-së të mos ketë asnjë lloj lidhje me trafik narkotikësh, asnjë nga familjarët e tij.

Zheji: Rama është në rregull?

Duka: Nëse dy ministra kanë probleme, unë kam qenë dhe jam që çdo lloj mesazhi në çdo lloj qeverie e jep kryeministri.

Duka  thotë se pavarësisht miqësisë me ministrin e Brendshëm, Fatmir Xhafaj, ai nuk mund të jetë ministër për sa kohë vëllain e ka të implikuar në trafik droge.

Duka: Nuk mund të jetë ministër i Brendshëm dikush që ka vëllain të implikuar në trafik droge. Jam totalisht kundër kësaj. Nuk merrem as me Babalen as me dikë tjetër. Nuk e kam me Xhafajn si individ, e kam mik dhe do ta kem. Politikisht, jam kundra. Edhe nëse Basha dhe anëtarët e tjerë të opozitës nuk triumfojnë në këtë lloj lufte që po bëjnë për mendimin tem nuk kanë bërë asgjë. Nuk di si mund të shkojnë në zgjedhjet e ardhshme vendore pa hequr këtë ministër të Brendshëm. Nëse nuk arrin sukses, jo vetëm unë por edhe të tjerë do t’i shkëputen zt.Basha.