Edmond Spaho kundër paketës fiskale: U bie fukarenjve, lë të livadhisin oligarkët

Deputeti i Partisë Demokratike, Edmond Spaho u shpreh se paketa fiskale, e parashikuar në buxhetin e vitit 2022, i bie shtresave të varfra dhe mbështet oligarkët.

“Paketa fiskale, e shikoj si pjesë e skenarit për të garantuar të ardhurat vitin e ardhshëm. Është paketa që u bie fukarenjve dhe i lë të livadhisin oligarkët. Ti taksosh qytetarët e thjeshtë në këtë periudhë duke i vendosur akcizë të gazi dhe të lësh gjithë atë listën e prioriteteve që kanë të bëjnë direkt me oligarkët, që ju ka dhënë FMN-ja, për mua është shumë e pandershme”, tha Spaho.