Fatmir Xhafaj, kritika për drejtësinë e re: Disa institucione nuk i kanë arritur pritshmëritë

Ish-ministri i Brendshëm, Fatmir Xhafaj, ka folur në Komisionin e Ligjeve për drejtësinë e re. Xhafaj tha se ka disa institucione të drejtësisë së re që nuk kanë arritur pritshmëritë e publikut për llogaridhënie e transparencë, duke përmendur edhe Këshillin e Lartë të Prokurorisë.

“Drejtësi e re do të thotë kushtetutë dhe ligje të reja. Përgjegjshmëri, llogaridhënie, transparencë që i kanë munguar sistemin. Të gjithë shpresojnë që drejtësia e re ta bëjë këtë gjë. Disa prej këtyre institucioneve kryesisht KLP nuk e ka arritur. Nuk ndihem mirë që e artikuloj sot këtë gjë. Por dua të jem i drejtë. Nuk kam më arsye ta mbaj koston përpara publikut. Nuk ka pse ta mbajë shoqëria këtë gjë. Do e mbani ju”, tha ai.