FOTO/ Studentët bllokojnë kryqëzimin te Zogu i Zi

Pasi qëndruan prej disa orësh përpara Kryeministrisë studentët e kanë përshkallëzuar protestën e tyre. Së fundi ata kanë bërë një lëvizje tjetër, duke bllokuar tre pika kyçe të Tiranës.

Zogu i Zi është një prej pikave të bllokuara. Siç shihet në fotot më poshtë që sjell LSA, është krijuar kaos me trafikun. Qindra automjete janë duke pritur në radhë derisa studentët të largohen nga rruga. Pikë tjetër ku vazhdon të ketë studentë protestues është kryqëzimi pranë Bankës së Shqipërisë dhe Kryeministria.