Hapet Tuneli i Murrizit, Belinda Balluku: Një vepër arti pasi është i gjithi i blinduar me hekur. Dibra një lagje e Tiranës, në distancë

Kryeministri Edi Rama ka inauguruar tunelin e Murrizit, pjesë e Rrugës së Arbrit. Ai shkruan: “U dorëzua më në fund edhe Tuneli i Murrizit”. Ndërkohë zv/kryeministrja dhe ministrja Belinda Balluku, tha se ky investim është i gjithi i blinduar me hekur.

”3.8 kilometra i gjatë, plotësisht i kompletuar. Kemi bërë testet mbrëmë natën vonë. Këtu ndodhen edhe njësitë e zjarrfikësve. Kemi edhe tunelin paralel që është tuneli i emergjencës, me 11 hyrje dhe dalje.  Është një vepër arti pasi është i gjithi i blinduar me hekur, si një unazë hekuri, për shkak të gjeologjisë”, theksoi Zv/kryeministre dhe ministre Belinda Balluku. Ajo flet me pasion për këtë rrugë, edhe si endërr e saj për ta bërë Dibrën me afër Tiranës.

Belinda Balluku e ka ndjekur çdo ditë këtë investim strategjik për verilindjen, derisa më në fund u inagurua sot me prezencën e kryeministrit. Kishte qindra e qindra banorë të Dibrës që thërrisnin nga entuziazmi i rrugës së re “Edi, Edi”. Pas këtij tuneli rruga Tiranë-Dibër është një rrugëtim turistik dhe i mrekullueshëm. Turizmi do marrë hov të papamë në Dibër, pasi rruga e re është zhvillim, jetë dhe begati për banorët.